Rəxtin al geyimiş bağçaya gedir,Başına götürmüş buta bağları,Bülbül sayrıyıb bağ sarı gedir,Üzünə tutubdur buta bağları

Sevdiyim atlandı tərsəməni gör,Açıldı bağların tərsəməni gör,Elədi axırda tərsəməni gör,Şeyx Sənan tək buta bağları

Niyazməndəm üzün yarın görəndə,Bayquşlar çığrışır yarın görəndə,Ağlar həsrət gözüm yarın görəndə,Bulur bir dəm tutsa buta bağları

Cananıma deyin, canıma gəlsin,Təşnəni göndərsin, canıma gəlsin,At tir oxların, canıma gəlsin,Kəmandarsan gözlə buta bağları

Bizə cövr elədi qəlbi üzündən,Qal desə qalarıq qəlbi üzündən,Dosti der: görəsən qəlbi üzündən,Boynuma salıbsan buta bağları

Təsadüfi şeir

Başqa şairlərin şeirləri · Eşq