Boyu sürahidi, gərdəni mina,Nəsrin tək lətifdir buxağı gözəlin,Pistanları sanki Kəbə qəndili,Qoynunun içi cənnət bağı gözəlin.

Başına örtübdü al zərli cunə,Yaxıbdır əlinə qırmızı xına,Camalı təən edir aya həm günə,Dodaqları zər varağı gözəlin.

Görməmişdim sən təki bir növcavan,Sənə qurban olum, ey ruh-i-rəvan,Dan yeri atdı, köçdü karvan,Şəfəqi qızartdı yanağı gözəlin.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri