Bir şair çıxıbdı YekəallardanBəyənməyib göyçəlinin kərməsin.Simeh tapıb, heç qurtarmaz azardan,Onun dərdin heç gözlülər görməsin.

Birisi molladı, biri kalvayı,Haqq özü buyurub mehmana sayı.Adı şair, özü himarın tayı,İncidib, qonağa zəhmət verməsin.

Molla Əli naməni yazandan bəri,Bu söz çox incidir qul Ələsgəri.Tavaqqam var, Şəmsəddinin bəyləri,Acıqlanın çal köpəyə, hürməsin!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri