Məcnun məhəbbəti qalar kölgədəBizim eşqimizin sözü düşəndə.Özgəsi düşəndə dodaq büzəninGöy necə olurmuş özü düşəndə.

Bu acı həsrətdi, yoxsa vüsaldı?Hökmündən qurtarmaq əmri-mahaldı.Səbri-qərarımı əlimdən aldıSevən gözlərimə gözü düşəndə.

Mən səni gözlərəm boran içində,Qasırğa içində, tufan içində.Ömrümdən fəsillər, illər keçəndə,Saçıma illərin izi düşəndə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq