Paxıllıq dəryası dərindir, girmə,Sahilə çıxarmaz bu nəfəs səni.Çalış ta indidən nəfsini öldür,Yoxsa öldürəcək bu nəfs səni.

Ömürdür hər günə, aya darılma,Toyuna çal-oyna, vaya darılma!Qismətinə düşən paya darılma,El-oba sevməyib paydan küsəni!

Qoy hər gün qəlbinə bir sirdaş artsın,Qoyma bir qapıya kimsə daş atsın.Təmiz ürəkli ol, təki yaşatsın,Təmiz çörək səni, təmiz su səni.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Ölüm