Ömrə bel bağlama, ömür əzəldənAmana bənd olub, aman, ay aman!Ölüm qaşnan-gözün arasındadır,Yaxşıya yaxşı ol, yamana yaman.

Danma el-obanı, danma nəslini,Tutsun Kərəm kimi gözün Əslini.Ayır astarından sözün əslini,Gətirmə heç vədə gümana güman.

Yaşa bu dünyada sən comərdyana,Qəlbinin odunda gərək dərd yana.Sadə ol, məğrur ol, axma dörd yana,Dağa dağ deyiblər, dumana duman.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri