Oyana dağlar
Qəmlər səhrasının səyyahı mənəm,Yar gələr köksünə oyan, a dağlar.Mən aşıq, yana dağlar,Qıymaram yana dağlar.Yanar, odlar sinəmi,Yıxar yan-yana dağlar.Ah çəkər alışar o nazlı sənəm,Ağlar qan-yaş tökər, oyan, a dağlar.
Əsli-Kərəm bir atəşdir, qan alı,Leyli-Məcnun gözü yaşdı qan alı.Aşıq deyir qan alı,Deyim dərdin qan alı.
Dərdə düşən dərdinəDərman üçün qan alı.Şirin-Fərhad qanı açdı qanalı,Silinməz iz saldı o yana, dağlar.
Sənan sızlar, yaxar qəlbim yara nar,Sevən aşiq dağlar yarar yara nar.Aşiq deyir, yara nar,Yar yarına yaranar.Nakam gedən aşiqlərÖlməz ada yaranar.Vəli sönməz yanar-yanar yara nar,Bəlkə, qəbirdə də o yana, dağlar.
Kitabxana.az · https://kitabxana.az/works/miskin-veli-oyana-daglar
← → düymələri ilə keçid, R — təsadüfi şeir