Badi-səba apar mənim peyğamım,Başın üçün o dildara xəbər ver,Yalvar, yapış, ağla sızla yavunçı,Ərzi-halım sitəmkara xəbər ver

Nisan təki çeşmim döndü yağına,Rəhmin gəlsin sinəm üstə dağına,Yetcək öp əlin, düş ayağına,Aliyişanə o sərdara xəbər ver

Dərdi-qəm əlindən çəkirəm aman,Yetiş fəryadıma, ya Sahibəzzaman,İqbal sərnigun, bəxtdir yaman,Məni munda günü qara xəbər ver

Müştaqiyəm, ömrüm getdi talana,Qarışmışam məni dərdə salana,İllər ilə sənə həsrət qalana,Gözü yolda intizara xəbər ver

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hicran