Susadı könlüm nigarın lə'li-ruhəfzasinə
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir. Son beyt məqtədir: şair orada öz təxəllüsünü çəkir.
Susadı könlüm nigarın lə’li-ruhəfzasinə,Talibi-şövqəm həbibin surəti-zibasinə.
Ey səba, uğraşdığınca şol xuraman sərvə tuş,Məndən öp anın ayağın, səcdə qıl balasinə!
Gözləri sevdası aşiq canına qıldıqlarınOl bilir kim, aşiq olmuş nərgisi-şəhlasinə.
Eynini aç, eynimə bax, cümlə eynin eyniyəm,Səd həzaran can fədadır eyninin sevdasinə.
Sorma sevdayilərin halin, təbibi-amə kim,Düşməyən bilməz bu halə, gözləri sevdasinə.
Surəti, hüsnü cəmalı cümlə zibadır anın,Hüsnünə qurban olayım, bəlkə sər ta pasinə.
Kim ki, zahir görmədi üzündə həqqin surətin,Güzgüzü ari degildir, çarə qılsın pasinə.
Bibədəldir hüsn içində, lütf içində binəzir,Vahidiyyət sabit oldu hüsni-bihəmtasinə.
Xırmanında hüsnünün gündür başaqçı ay ilə,Utan, ey nisbət qılan, qaşi-hilalı dasinə.
Zahidin heç oldu zöhdü, heçə keçdi taəti,Başladı yasinə, şimdi kimsə gəlməz yasinə.
Çərxi-nərradin nüquşin tərs oxur gözsüz fəqih,Kə’bəteyni gör ki, atar hoqqabazın tasinə.
Məqtə — şairin təxəllüsü olan son beyt. Ruhi-qüds oldu Nəsimi, cismini tərh eylədi,Gövhəri-fərd oldu düşdü vəhdətin dəryasinə.
Kitabxana.az · https://kitabxana.az/works/nasimi-susadi-konlum-nigarin-le-li-ruhefzasine
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri · Eşq
جهان ز نیلم نال و روان ز نالم نیل
HəsəninYarə deyin bizdən qarğış almasın,Yerdə qalmaz ah-zarı Həsənin,
GörünməzGecə-gündüz həsrətində qalmışam,Ol sehmli tərlan hanı görünməz.
Məhəmməd bəy Arifə cavabMən kimi xəstəyə əlbəttə ki, həmam gərək,Necə kim aşiqə bir yari-güləndam gərək.