Canım yandı, can ay Habil!təzələdin bir yaramı.Araz axdı kaman boyu,apardı sellər Saramı.

Ələndi torpağım, daşım,ağardı bəlalı başım.Mən ağlayıb qurtarmışdım, –Ağladı tellər Saramı.

Qarşımda canlı xəyalsan,qışqırırsan, amma lalsan.Çal, Habil, çal – belə çalsan –kaman dirildər Saramı.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Hikmət və nəsihət