Yol üstündə bitən körpə çinarlar,Böyüyün, kölgəli ağaclar olun,Sayəniz yollardan əskik olmasın,Yaşayın, göyərin, novbahar olun...

Yol keçən yolçular dincini alsın,Sərin kölgənizdə qonaq da qalsın.Yaşıl budağınız kölgələr salsın,Vətən yollarında düz ilqar olun.

Dözər hər tufana uca başınız,Kökünüz torpağın ürəyindədir.Əsən küləklərdir can sirdaşınız,Qalxsın böyük günəş, sizə yar olsun...

Yol üstündə bitən körpə çinarlar,Böyüyün, kölgəli çinarlar olun,Sayəniz vətəndən əskik olmasın,Ucalın, göyərin, novbahar olun.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən