Ürəyimin qulağı var, gözü var
Mən ürəyi atəş dolu şairəm,Hələ yaram sağalmayıb, gözü var.Aman cəllad, sən vurduğun yaranınÜrəyimdə hələ dərin izi var.
Əlimdədir bu kainat, bu dünya,Kilid vurmaq olmaz axar bir çaya.Ürəyimdə dalğalanan bir dərya,Millətimin, vətənimin sözü var.
Qartal kimi süzüb uçan nəğməmdə,Sellər kimi axıb coşan nəğməmdə,Bahar kimi könül açan nəğməmdə,Qan ağlayan bu ellərin özü var.
Cəllad! Yetər, çək əlini vətəndən,Ayıraram dik başını bədəndən.Daha məni sata bilməz hər yetən,Ürəyimin qulağı var, gözü var!
Kitabxana.az · https://kitabxana.az/works/suleyman-rustem-ureyimin-qulagi-var-gozu-var
← → düymələri ilə keçid, R — təsadüfi şeir
Müəllifin digər əsərləri
Bir ana övladıyıq, dinlə məni, qardaşım,Hicrandan sinəmizdə min dağım, min dağın var.
Ay ellərEllər, ellər ay ellər, ömrümün bu çağında,Səadətin bağında, məhəbbətin bağında,
Yoruldum demərəmHər mahnım, hər şerim öpüb, öpəcək,Xalqın dodağını qızılgül kimi.
Üzüm yoxdurDeyirsən ki, sənin vətən torpağına göz dikmişəm,Bu qırmızı yalanına daha mənim sözüm yoxdur.
Başqa şairlərin şeirləri · Vətən
Millət komutanı Vağarşah ağa,Səbr eylə başına gör nələr gəlir.
Xosrov və Şirin, fəsil 101Xosrov dedi: "Mənə çərx gərdişindən,Bu yerdən, havadan bir az danış sən."
Öləndə bir daşa çevirin məniÖləndə bir daşa çevirin məni –Vətən torpağında bozca bir daşı.
Seyrinə gəl TəbrizinSeyrinə gəl Təbrizinİnqilab yurdudur o,