Pet qəpik
Fəqir kasıb oldu əyaldan xəcil,Hər nəmnə dindirirsən pet qəpik
Bu xərabın yoxdu bir ağ saqqalı,Aparıban danışdıra baqqalı,Dindirirsən neçəyə qarğudalı,Deyir götür birisini pet qəpik
Qəssabların işi olubdur cəfa,Nə əhd var bunlarda, nə bir vəfa,Çörəkçilər heç gəlmiyor insafa,Dindirirsən biri deyir pet qəpik
Xarab olub bu şəhrin sövdası,Dada yetsin fəqirlərin Mövlası,Yox bir şahı heç, yüz altun abbası,Pet qruş, desit qruş, pet qəpik
Kasıb-kusub çox eliyor ah-u zar,Nə eləsin, əldə yoxdur ixtiyar,Dindirirsən neçəyə bu bir xiyar,Nərx olubdur hər üçünə pet qəpik
Əyal ilən oturanda üz-üzə,Xəcalətdən baxmırıq göz-gözə,Dindirirsən neçəyə bu xərbuzə,Nərx olubdur ona desit qəpik
Deyir kişi: çox danışma, var sağı,İki qruşdu tənəyin yaprağı,Alsan xəbər soğanı, sarımsağı,Pet qəpikdir, pet qəpikdir, pet qəpik
Yəhərləyib birdə mineydim atı,Görsədiydim mən də sizə isbatı,Dindirirsən zəncəfili istotı,Əttar deyir misqalıdır pet qəpik
Birdə gəlsə bu qalaya qubernat,Ərz eliyək əyilibən qat-bə-qat,Nə mürvət, polis-meyster, komandat,Turş alçanın səbtində pet qəpik
Kasıb-kusub deyir: amandır aman,İşlər olur bundan bətər, çox gümən,Dükanlarda tar çıx alıb badımcan,Dindirirsən birin deyir pet qəpik
Dərya olan yerdə olub adələr,Mənə gəlsin dosta gələn qadələr,
Rəiyyətə minibdi bəyzadələr,Şərm-ü arın batmanıdı pet qəpik
Lənət gəlsin varlıların cəmnə,Ki qalmırlar yoxsulların qəmnə,Ümhani, Şəhrəbanı, Səkinə,Nərxi olub hər gecəsi pet qəpik
Kitabxana.az · https://kitabxana.az/works/xelfe-mehemmed-teqi-pet-qepik
Başqa şairlərin şeirləri
Məşədi Sijimquluya cavab**Sijimqulu, eyləmisən məsləhət,
Saqiya, bir şur ilən gəl, şurləndir məclisiSaqiya, bir şur ilən gəl, şurləndir məclisi,Bu xumarı rəf edib məxmurləndir məclisi.
Hər nə kim almaq dilersən, al ilə gəl məndən alHər nə kim almaq dilersən, al ilə gəl məndən al,Aldanıram mən sənə, sən hər necə edərsən al.
Çəməndə naləni ögrəndi mürğani-çəmən məndənÇəməndə naləni ögrəndi mürğani-çəmən məndən,Qəmalud olmağı kəsb etdi bərgi-yasəmən məndən.