(kiçik bacım Rəfiqəyə)

Ay bacım, baharın oğlan çağındaSən mənə bir dəstə bənövşə verdin.Mən elə bildim ki, ixtiyarımaÇəmənli, bulaqlı bir meşə verdin.

Bir zərif çiçəkdə, bir damla şehdəGördüm təbiətin oyandığını.Gördüm zirvələrin yerə göz vurub,Düzlərin min rəngə boyandığını.

Ömür ver bahara, könül ver yaza,Açıl çiçək kimi, solma, ay bacım.Bənövşə ətirli olmaq gözəldi,Bənövşə taleli olma, ay bacım.

1978, 14 mart

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar