Haqqı axtar-axtara
Haqqı axtaranlar gəlsin yanıma,Haqqın, ədalətin əsasıyam mən.Məkkə, Mədinədi ziyarətimiz,O Zəmzəm suyunun kasasıyam mən.Oruc Əlizadə
Üz tutduq gələn sabaha,Haqqı axtara-axtara.Əl açdıq qadir Allaha,Haqqı axtara-axtara.
Dəmir əsalar əyildi,Dəmir çarıqlar yeyildi.Kimi döydü, kim döyüldü,Haqqı axtara-axtara.
Əzildik, quma çevrildik,Yumşaldıq, muma çevrildik,Əkildik, şuma çevrildik,Haqqı axtara-axtara.
Kimi oğru, kimi doğru,Daşıdıq dərd, çəkdik ağrı.Haqq deyənin yandı bağrı,Haqqı axtara-axtara.
Dəvələr itdi səhrada,Gəmilər batdı dəryada.Könüllər gəldi fəryada,Haqqı axtara-axtara.
Süzüldük eşqin camına,Yağ olduq yanan şamına.Döndük Allah adamına,Haqqı axtara-axtara.
Sel tökülür çaya doğru,Çay axır dəryaya doğru,Dəniz baxır Aya doğru,Haqqı axtara-axtara.
Zirvələr boylanır göyə,Bəlkə, haqqı gördüm deyə.Qamışlar da döndü neyə,Haqqı axtara-axtara.
Çox yolçular dizdən oldu,Dağdan oldu, düzdən oldu,Çox gözlülər gözdən oldu,Haqqı axtara-axtara.
Var olan yoxa çəkildi,Dağ uçdu, arxa çəkildi,İsa çarmıxa çəkildi,Haqqı axtara-axtara.
Nəfəs dərdik, cana gəldik,Dolduq, ətə-qana gəldik.İncilə, Qurana gəldik,Haqqı axtara-axtara.
Baxmadı xərcə-xəraca,Hac deyənlər getdi haca.Məhəmməd çıxdı meraca,Haqqı axtara-axtara.
Əqidə, məslək tacımız,“Ənəlhəq”dir əlacımız,Öldü Mənsur Həllacımız,Haqqı axtara-axtara.
Çox qayalar çapasıyıq,Çox qalalar yapasıyıq.Axır bir gün tapasıyıq,Haqqı axtara-axtara.
Çaldı zili, çaldı bəmi,İnsan oğlu çəkdi qəmi.Qocalırıq, Oruc əmi,Haqqı axtara-axtara.
Kitabxana.az · https://kitabxana.az/works/zelimxan-yaqub-haqqi-axtar-axtara
← → düymələri ilə keçid, R — təsadüfi şeir
Müəllifin digər əsərləri
Göynən gedən buludlar,*Niyə danışmırsınız?*
XanlarımAşıq Xanlar Məhərrəmovun xatirəsinə*Ayazlı bir qış axşamı,
Qağa yuxuma girdiUnudulmaz şairimiz*Hüseyn Arifin xatirəsinə*
Məmməd Araz işığıDostum Mikayıl Mirzə ilə birlikdə sevimli Xalq şairimiz*Məmməd Arazın Novruz bayramını təbrik etmək üçün ustadın*
Başqa şairlərin şeirləri · İlahi eşq
Həm yordu öz-özünü,həm də yordu dünyanı
سپاه صبح زد از ماه خیمه تا ماهیستاره کوکبه آفتاب خرگاهی
Müxəmməs: Dila, etmə təvəqqe rastguluq qanda qalmışdırDila, etmə təvəqqe rastguluq qanda qalmışdır,Qərinə özgədir, onlar keçən dövranda qalmışdır,
Nə bilsinBir kimsə ki şəhadəti bilməyə,Qul əuzü rəbbin-nası nə bilsin,