Gözümün qarası, sarısı getdi,Mən sənin qəlbinə hopana kimi.Ömrümün, günümün yarısı getdi,Qayıdıb özümü tapana kimi.

Xeyrin ayağından hər gün şər çəkib,Dünyada nə dərd var bu bəşər çəkib.İndi düşünürəm, gör nələr çəkibFərhad o dağları çapana kimi.

Təkcə yaşamağa yaranmır insan,Yaşatmaq heç kəsə gəlməsin asan.Min tilsim qalası dağıtmalısanBir sevgi sarayı yapana kimi.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri