Qəlbimdə, ruhumda yer sala bilməz,Qəm-qüssə yanımdan ötəndir mənim.Eşqimdən yaranıb bu torpaq, bu yer,Arzum cücərəndi, bitəndi mənim.

Şimşəklər şığıya, küləklər əsə,Çaylar haray salıb yolumu kəsə,Gur sellər nə qədər “güclüyəm” desə,Əlim hər istəyə yetəndir mənim.

Mənə eldən gəlir cəsarət, dözüm,Azalmaz alovum, qaralmaz közüm.Birinci söhbətim, sonuncu sözüm,Hər zaman, hər yerdə Vətəndir mənim.

1973, 20 mart

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən