Səsli-küylü gündüzlərdən,Sakit gecələrdən keçdi.Qələmdəki mürəkkəbdən,Alnımdakı tərdən keçdi,Mənim şeir, sənət yolum.

Zildən keçdi, bəmdən keçdi,Çox sevincdən, qəmdən keçdi.Neçə cəhənnəmdən keçdi,Cənnət ruhum, cənnət yolum.

Kim yarıya, kim yarıda,Balımı tapdım arıda.Məni qoymadı yarıda,Güvəndiyim zəhmət yolum.

Anan andı, qanan qandı,Sevən sevdi, danan dandı.Borçalıdan qanadlandı,Borçalıya həsrət yolum.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq