Eşqim torpaq, andım Vətən,Vurulmuşam hüsnünə mən.Bir gülünü bir göy çəmənSanmaq – mənim səadətim.

Çağlayaram bulaq kimi,Sevinərəm uşaq kimi.Bar altında budaq kimiSınmaq – mənim səadətim.

Bir ürəkdə gülsə bahar,Orda elin nəfəsi var.Qışın töksə üstümə qar,Donmaq – mənim səadətim.

Gül olaram torpağına,Göz olaram ocağına.Nəğmə olub dodağınaQonmaq – mənim səadətim.

Alov saçıb aya, ilə,Əriyərəm gilə-gilə.Azərbaycan, sevgin iləYanmaq – mənim səadətim.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar