Nə müddətdi həsrət qaldım didarə,Gərdiş uzaq saldı, a yara bax-bax.Çəkmək istər zülflərindən didarə,Nəinsaf, bimürvət, a yara bax-bax.

Qınamayın məni ellər, obalar,Tərlan itib, sar yapalaq ov alar.Qəm qəhr edər, sıxar bağrım ovalar,Vurar yaram üstə a yara, bax-bax.

Qurbanın sən dağlayıbsan sinəsin,Əvvəl gərək yar yarını sınasın,Bir daş vurdun, şişə könlüm sına-sın,İstəyir güldürə əyyara, bax-bax.

Use ← → keys to move, R for a random poem

Random poem

More by this author

Poems by other poets · Love