İnqilab şairiyəm
Mən nə şah, mən nə sultan, nə yaraşıq, nə zinət,Nə əfsanə, nə mələk, nə saray, nə səltənət,Nə qədim əsrləri yada salıb ağlayan,Nə ömrünü qəzələ, mərsiyəyə bağlayan,Nə dövrün hakiminə şer yazıb pul alan,Nə cəlladlar önündə həya üçün alçalan,Nə peymanə, nə saqi, nə şərab şairiyəm,Azadlığın carçısı inqilab şairiyəm.
Mən əyilib hakimin əllərindən öpmədim,Şerimi çiçək kimi ayaqlara səpmədim.Nə aciz bir bəndəyəm, nə satılmış bir qulam,Nə saray məddahıyam, dərgahlardan qovulam,Mən ellərin oğluyam, ellər böyütmüş məni,Şerim eldən alıbdır bu ilhamı, qüvvəni,Mən nə şam, nə pərvanə, nə rübab şairiyəm,Azadlığın carçısı inqilab şairiyəm.
Mənim könül dəftərim bənzəyir gülüstana,Onda yer verilməmiş qarlı qışa, tufana.Bir bahar ətri vardır hər şerimdə, sözümdə,Baharın həsrətilə yaşayıram özüm də,Mən əl açıb göylərdən diləmədim azadlıq.Mənim arxalandığım onlardan daha artıqÖlkələr həsrət çəkən afitab şairiyəm,Azadlığın carçısı inqilab şairiyəm.
Ərdəbil, 1941
Kitabxana.az · https://kitabxana.az/en/works/balas-azeroglu-inqilab-sairiyem
Use ← → keys to move, R for a random poem
More by this author
Poems by other poets · Nature and spring
دلم تحمل بار فراق او نتواند
NuxaTərif edim Nuxa yerin yerləri gülşən kimidir,Söyləyib danışmağı hər biri bir can kimidir,
OlaydıA gül şaxı, yaşıl yarpaq açmısan,Nə xoş olur, qönçələrin olaydı.
Hər kim ki, hicri-yar ilə düşsə dimağdənHər kim ki, hicri-yar ilə düşsə dimağdən,Heç açılırmı könlü onun seyri-bağdən?