50 Yaşım
Mən necə oldu ki, çatdım əlliyə? –Yox, deyə bilmərəm,Dedilər: - Niyə?Bir içim su kimi içdim mən onu.Əllicə an imiş, demə, əlli il.İllərin nə təhər sovuşduğunuBilərək yaşamaq, yaşamaq deyil.
Bilmədim...Könlümün həyəcanları,Qovladı bu dağdan o dağa məni.Ömrün arzu dolu pilləkanlarıUçurdu budaqdan-budağa məni.
Gün doğdu...Həvəslə,Yanan ürəkləÇalışdım, vuruşdum...Gün axşam oldu.İli qarşıladım təzə diləklə,Bir də ayıldım ki, il tamam oldu.
Yol getdim...Saymadım yağışı, qarı."Məqsədə tələsən dincəlməz" - dedim.Yanımdan ötüşdü verst ağacları,Macalım olmadı, saya bilmədim.
Elə qanadlandım,Mən elə uçdum,Sürətim döndərdi ayı həftəyə.Arzular ardınca göylərə uçdum,Yerin təqvimləri yaramır göyə.
Zəhər də içmişəm, bal da yemişəm.Ömrümün yolları min keşməkeşdə.Mən vaxtı heç zaman gözləməmişəm,Vaxt özü qapımı döyüb həmişə.
Məni yaşadan da təlatüm oldu,Dalğalar qoynunda ötdü anlarım.Mənim zaman ölçüm, vaxt ölçüm oldu,Ölçüyə gəlməyən həyəcanlarım.
Mühit dənizidir önümdə masa,Ləpədir ömrümün hər anı, qardaş.Dalğalar ürəkdə baş qaldırmasa,Həyatda axtarma dalğanı, qardaş.
Yaşadım, bildirib vaxta həddiniDəli dalğaları mən yara-yara.Yaşadım...Eşq olsun vaxtın həddiniÖzünə sığdıran çırpıntılara!
Zirvədən ötübdür, döşə qar yağır,Yel əsir,qapını qış döyür...Nə qəm.Əllimi xərclədim...Xoşbəxtliyimdir,Neçəm qaldığını deyə bilmərəm.
Gah müdrik qocayam, cah cavanam mən,Yadıma salıram gah da ilkimi.Könlümə sığmayan təlatümümdənYaşadım əllimi bircə il kimi.
Kitabxana.az · https://kitabxana.az/en/works/bextiyar-vahabzade-50-yasim
Use ← → keys to move, R for a random poem
More by this author
Poems by other poets
Nə qəm gər hər nəfəs xuni-dil içsəm adətimdir buNəvah olsam desəm dəmbədəm xasiyyətimdir bu
DilbərEy yüzü gül, ləbi qönçəSiyah zülfü rəsən dilbər
Didilər bu əcəb insan mudur kiDidilər bu əcəb insan mudur ki,Ya adəm ṣurətində can mudur ki
صورت گردون صفت جسم زمین را جان از اوماده جان لطف او لیکن خرد حیران از او