Vəzifə bu xalqa qənim kəsilib…
Bu millət vəzifə dəlisi imiş,Şan-şöhrət «ölüsü», «rütbə» düşgünü.Vəzifə çoxunun mərəzi imiş,Həmi «qara» günü, həmi «xoş» günü…
Çoxunun «ilk eşqi», «ilk məhəbbəti»,«İlk əhdi», «ilqarı» imişsən, demə.Həmi «səadət», həmi «möhnəti»,Həyat edalı imişsən, demə.
Müdir stolundan tutur ölüncə,Ayrı şey gözündə puçmuş, yalanmış…Nə vətən, nə torpaq bu millət öncəVəzifə uğrunda həlak olanmış…
Hamı uşaqlıqdan keçir bu dərsi,Tək ona bağlayır arzularını.Sən ona rütbə ver, o sənə versin,Hətta qeyrətini, namusunu, arını…
Nə vicdan, nə məslək, nə zəka, əməlTək ona qul olur, rəğbət bəsləyir.Sən ona rütbə ver, satsın əlbəəl,Bütün uluları, müqəddəsləri…
Hamı candan keçir vəzifə tutsun,Rütbə stolları yamaq-yamaqdır…O kütlə gözündə Allahdan üstün,İmandan qabaqdır, dindən qabaqdır…
Cavan da, qoca da sevir tacı-taxt,Gəda da istəyir şah ola hətta…Dava da qurtarar-qurtarmaz heç vaxt,Vəzifə davası bu məmləkətdə…
Dostunu vəzifə başında tanı,O açır hamının əsl üzünü…Bu yolda çox qırıb insan-insanı,Qanlar axıdılır, başlar kəsilir…
Hamının qarnının ağrısı birdir,Vəzifə bu xalqa qənim kəsilib…Onunçün yerinə yetirə bilmir,Bu millət millətlik vəzifəsini…
Kitabxana.az · https://kitabxana.az/en/works/cabir-novruz-vezife-bu-xalqa-qenim-kesilib
Use ← → keys to move, R for a random poem
More by this author
Poems by other poets · Homeland
Sabirin, M.Cəlilin divanəsi,hüquqşünas Ə.Yaşara
Tarixi-Cədidi QarabağMİRZƏ RƏHİM FƏNAMirzə Rəhim Fəna (1841-1929) Azərbaycanın tanınmış şairi və ictimai xadimlərindən biridir. Xan qızı adı ilə məşhur olan Xurşidbanu Natəvanın yanında xidmət etmişdir. 1864-cü ildə Mirzə Rəhim Fənanın təşəbbüsü ilə Şuşada "Məclisi-üns" ədəbi məclisi yaradılmışdır. Sonralar da o, məclisin rəhbərlərindən biri olmuşdur. "Məclisi-üns" haqqında dəyərli xatirələri ikicildlik "Azərbaycan ədəbiyyatı" əsərində əlavə şəklində çap edilmişdir. Şeirlərindən nümunələr inqilabdan əvvəlki dövri mətbuatda: "Təzkireyinəvvab", "Riyazül aşiqeyn" əsərlərində çap olunmuşdur. Tarixə və ədəbiyyata geniş marağı olan Mirzə Rəhim Fənanın "Tarixi-cədidi Qarabağ" əsərindən yalnız bəzi fraqmentlər mühafizə edilmişdir ki, oxuculara təqdim olunur. Əsərin ərəb əlifbasından transliteriyasını Arif Ramazanov etmişdir.
منم آنکه گلشن عشق را چمنم، ببینگذری کن و گل و سوسن و سمنم ببین
VətənKalvayı Məhəmməd ağa, gördü düşüb dara vətən,Kömək yoxdu, arxa yoxdu, qalıb baxtı qara vətən,