Ləyaqət
Mən o adamları yada salıram,Lap bugünkü kimi anıram yenə.Anıram,Doğrusu, heyran qalıramİnsanın insanlıq ləyaqətinə.
Faşizm əsirdi qara yel kimi,Başından aşmışdı ellərin dərdi.Qatillər rəhmsiz soyuq əl kimiƏrzi bir heçliyə ata bilərdi.
Hamı gözlə görüb, əllə tuturduƏzabı, aclığı, dərdi, çətini.Lakin qəhərini hamı udurdu,Hamı gözləyirdi ləyaqətini.
Aclar dayanırdı məğrur, tox kimi,Dərdlilər dərdsiztək gülümsəyirdi.
Gəlinlər sinədə bir dağ yox kimiKönülsüz-könülsüz əlvan geyirdi.
Atalar gizlində silib gözünü,Aşkarda zarafat edirdi bəzən.Məni sarsıdırdı insan dözümü,Ərşə çəkilmişdi xudbin, xudpəsənd.
Nə bir ayaq çəkən, nə rüşvət alan,Hamı tikəsini bölürdü yarı.Nə rəyasət eşqi, nə riya, yalanƏsir etməyirdi o insanları.
Adamlar bir yeyib, bir udurdularBütün əzabları, ağrı-acını.Adamlar qəribə unudurdularHəyatın hər cürə ehtiyacını.
Birisi götürüb haram bir tikəÖzünə – “haqlıyam bunda” – demirdi.Kimsə öz adına vurmurdu ləkə,Acından ölsə də haram yemirdi.
Faşistlər dursa da astanamızda,Görsək də həyatın çox zillətini,Qoca da, qarı da, oğlan da, qız daDaim qoruyurdu ləyaqətini.
... Mən o adamları yada salıram,Lap bugünkü kimi anıram yenə.Anıram,Doğrusu, heyran qalıramİnsanın insanlıq ləyaqətinə.
Kitabxana.az · https://kitabxana.az/en/works/eliaga-kurcayli-leyaqet
Use ← → keys to move, R for a random poem
More by this author
Gündüzlər birtəhər ovunur yenə,Bilirsən nə çəkir xəstə gecələr?!
Burda min şövq ilə bizBurda min şövq ilə bizGörüşərdik o zaman.
Uzanır mavi dəniz, yox sonu, yox əvvəli dəUzanır mavi dəniz, yox sonu, yox əvvəli də,Nə genişdir, nə dərindir, necə safdır suları!
Mənim gəncliyimKülək əsir... Yağan qarıÇökəklərə doldurur.
Poems by other poets
Söyləmə, sevgilim, vəfasız mənə,Mən ki, yad edirəm hər zaman səni.
ای پادشاه خوبان سوی گدا نگاهیخوبان نگاه خود را سر میدهند گاهی
Təcnis: Ey sülatin, nə xəşmlü baxırsanEy sülatin, nə xəşmlü baxırsanSən deyən günahkar yamən deyiləm
ƏskinasEy büt-i rənayi-zaman əskinas,Şahid-i zibayi-cahan əskinas,