Mənim nəyim var
Sözümüz, şerimiz, şeriyyətimizÖlçüyə sığışmaz, hesaba gəlməz,Hərdən uzandıqca söz-söhbətimizSorğuya tutursan məni niyə bəs?
Məndən soruşursan axı nəyin var?Gülüm, əvvəlkitək budur cavabım:Sənin bir qənirsiz gözəlliyin var,Mənim vəsf etməyə sözüm, rübabım.
Mənim ürəyim var, hər tikəsindənNeçə ürək çıxar məhəbbət dolu.Əzəli qaydadır: bircə ovuc dənSəpilsə göyərib bir zəmi olur.
Mənim əllərim var, səni qaldırarBir cüt ağ göyərçin qanadı ilə.Şikara çevrilsən səni saldırarDəlisov qızılquş inadı ilə.
Mənim gözlərim var, aydan nur dərər,Küləyin özünü seçər izindən,Eşqimi, hissimi dəqiq göstərər,İnan, Femidanın tərəzisindən!
Mənim saya gəlməz nəğmələrim var,Hərəsi can verər cansız bir simə.Əzizim, qəlbimdən qopan mahnılarOrfeyin özünü salar tilsimə!
Bu ürək, bu əllər, bu gözlər sənin,Tilsimli nəğmələr sənindir bütün.Qalsın qulağında bu sözlər sənin:Əvəz istəməzlər məhəbbət üçün.
Kitabxana.az · https://kitabxana.az/en/works/eliaga-kurcayli-menim-neyim-var
Use ← → keys to move, R for a random poem
More by this author
Poems by other poets
Şə-şə-şə şəha cəmalın kə-kə-kə kəmal olubdur,Lə-lə-lə ləbin şərabı zu-zu-zu zülal olubdur
Bəri baxAla gözlü, sərv boylu dilbərim,Həsrətin çəkdiyim canan, bəri bax.
HəmişəQafil olma, diqqətinən fəhm eylə,Yaxşını, yamanı tanı həmişə.
Məst yaxud sərxoşOf, bu məstin nə fəlakətli, yaman haləti var,Nə kərih mənzəri, bəd surəti, pis adəti var.