Dayandı
Yenə gözlərimə nur ələnibdir,Yenə bu təbiət təzələnibdir.Yenə səni görüb qürrələnibdi, –Günəş dağ başına qalxdı, dayandı.
Bu gecə taledən pay gəlibdir, pay,Bu gecə ulduzlar qopardı haray.Sildi pəncərəni bir buludlu ay,Pəncərədən bizə baxdı, dayandı.
Xoş anlar ömürdən mənə əzəldi,Yaz sevgi paylayan mehriban əldi.Fələyin özü də insafa gəldi,Hicranın evini yıxdı, dayandı.
Dünyada yaşarıq hərə bir haqla,Yığışıb köçərik bir təmtəraqla.Zamana dedim ki, karvanı saxla!Dağlar dəvə kimi xıxdı, dayandı.
Tale qoyun kimi bizi güdürdü,Ürək baş götürüb daha gedirdi.Fələk yolum üstə səni gətirdi,Fikrətin əlacı yoxdu, dayandı.
Kitabxana.az · https://kitabxana.az/en/works/fikret-qoca-dayandi
Use ← → keys to move, R for a random poem
More by this author
Poems by other poets · Fate
Vahəsrəta çərxi-fələk əlindənÇünki dost mehribanı görmədim
Ey fələk, netdim həmişə gözləyib azanmıEy fələk, netdim həmişə gözləyib azanmı,Dil evin ğarət qılıb pozdun rüxi-bazanmı.
Könül, bu gün ki, müyəssərdi vəsli-yar sənəKönül, bu gün ki, müyəssərdi vəsli-yar sənə,Təqafül etmə, baxar kəc bu ruzigar sənə.
زهی با حسن تو همدم صفا و لطف روحانیبه زلف ار سایه خضری به لب چون آب حیوانی