Bəhri-eşqə düşdün, ey dil, zövqi-dünyani unut!
What is a ghazal?
Ghazal: a lyric poem of couplets (beyts) on a single rhyme.
Bəhri-eşqə düşdün, ey dil, zövqi-dünyani unut!
Baliğ oldun, gəl rəhimdən içdiyin qani unut!
Verdi rehlətdən xəbər muyi-səfidü ruyi-zərd,
Çöhreyi-gülgyn ilə zülfi-pərişani unut!
Çək nədamətdən göyə dudi-dilin, tök qanlı yaş,
Sərvi-nazik tərkin et, gülbərgi-xəndani unut!
Gör qənimət fəqr mülkündə gədalıq şivəsin,
Etibari-mənsəbü dərgahi-sultani unut!
Çəkmə aləm qeydini, ey sərbüləndi-fəqr olan,
Səltənət təxtinə irdin, bəndü zindani unut!
Lövhi-xatir surəti-cananə qıl ayinədar,
Onu yad et, hər nə kim yadındadır, ani unut!
Məsiyət dərsin yetər, təkrar qıl, döndər vərəq,
Özgə hərfin məşqin et, ol dərs-ünvani unut!
Ey Füzuli, çək məlamət rəhgüzarından qədəm,
Ləhzə-ləhzə çəkdigin bihudə əfğani unut!
Kitabxana.az · https://kitabxana.az/en/works/fuzuli-behri-esqe-dusdun-ey-dil-zovqi-dunyani-unut
Use ← → keys to move, R for a random poem
More by this author
Poems by other poets · Love
Qəni Mövlam, budur səndən diləkim,Gələ bir gün bu diyarə sevdiyim,
Qəzəl: Gəl ey badi-səba, söylə dilimdən şəm tək yarəGəl ey badi-səba, söylə dilimdən şəm tək yarə,Qıl əfğan, ağla, şərh elə ki bəsdir yandım odlarə
Nə müddətdir gözüm rahindədir, yarım, sən səfa gəldin!Nə müddətdir, gözüm rahindədir, yarım, sən səfa gəldin!Həbibim, sevgilim, yarım, nigarım, sən səfa gəldin!
Qəzəl: Əbləh oldur kim cahan mülkündə daim qəm qılarƏbləh oldur kim cahan mülkündə daim qəm qılar,Ey xoş ol kəs bivəfa dünyaya rəğbət kəm qılar