Dərdi-eşqim dəfinə zəhmət çəkər daim təbib,

Şükr kim, olmuş ona zəhmət, mənə rahət nəsib,

Bir zəbandır şərhi-qəm təqririnə hər bərgi-gül,

Eyləməz bihudə gül gördükdə əfğan əndəlib.

Bilsə zövqüm vəsldən firqətdə əfzun olduğun,

Vəsldən mənim rəva görməzdi rəşkindən rəqib.

Təni-qəflətdir pəritələtlərə izhari-hal,

Sanma kim, əhbab halından olur qafil həbib.

Ah, bilmən neyləyim qurtulmaq olmaz qeyddən,

Mən hərifi-sadədil, xuban cəmali dilfirib.

Şəm qürbilə təfaxur qılma, ey pərvanə, kim,

Xirməni-ömrün göyər bərqi-fənadən ənqərib.

Nola ağlarsa Füzuli rövzeyi-kuyin anıb,

Lacərəm giryan olur qılğac vətən yadın qərib.

Use ← → keys to move, R for a random poem

Random poem

More by this author

Poems by other poets · Love