Gizləyə bilməzsən yaşı gözdə sən,Bulud deyər mənə, çən deyər mənə.Hardasa yağışa, yağmura düşsənSaçımda üşüyən dən deyər mənə.

Gizli əzabını gizləmə hədər,Hardasa qəlbini yaxdısa kədər,Gecə ulduzlardan tutaram xəbərGündüzlər hamsını gün deyər mənə.

Yürüşdə selləri, suları yensən,Zirvəyə qalxaram zirvəyə dönsən.Harda qanadından vurulub ensənSazımda inləyən bəm deyər mənə.

Hüseyn Arifə əyandı nələr,Hara nur ələnər, hara qar gələr...Harda üzün gülsə gülüşüm bilər,Harda qəmə batsan qəm deyər mənə.

Use ← → keys to move, R for a random poem

Random poem

More by this author

Poems by other poets · Nature and spring