Bir də səni sevsəm, sənə sevilsəm...
Nə deyim adına mən bu qismətinBir gözəl sevmişdim gənclik ilində,Döndü məzarına ilk məhəbbətinBir şair doğuldu incə telində...
...Gün kimi parlayıb, ay kimi yaxıbÖmrümün qaranlıq ilinə düşdün.Könlümə düşmüşdün, könlümdən çıxıb,Sonra aşıqların dilinə düşdün.
Bəxtin bağlananda açıldı sirlər,Ümid kəsiləndə qismət gətirdi.O sənə yazdığım adsız şerlər,Mənə dərd, sənə də şöhrət gətirdi..
Vədə ver yenidən gəlim, görüşək,Otuz il əvvələ qayıt nə olur.Qərib yuxulara dalıb bu ürək,Qəfil gəlişinlə ayılt nə olur...
Sən məndən betərsən, mən səndən betər,Gəl daha bu başı batmışını sev.İyirmi yaşımı duymadın,yetər,Gəlim, üzə duran altmışımı sev.
Gözlərin dünyaya gözümdən baxar,Qış yerə çəkilən, yaz çəməndədir.İxtiyar çağına vaxt sahib çıxar,Cavanlıq çağının şəkli məndədir.
Gir, zalım, yuxuma girmək istəsən,İlahi sevginin gücünə bax sən...Cavanlıq çağını görmək istəsən,Qocalan gözümün içinə bax sən.
Ümid kəsiləndə nə əl, nə ətək,Əcəlin kölgəsi qapına düşər.Fikrim televizya dalğaları tək,Gəlib son anında yadına düşər...
Son görüş...başından dağılan huşamHər ölən özünün suçunda ölür.Özüm ürəyinə dəfn olmuşam,Adım dodağının ucunda ölür.
Dilində quruyan ən son kəlmənəm,Üzün yox, söyləyib üzə salmağa.Elə bilərsən ki, o əcəl mənəm,Qayıdıb gəlmişəm qisas almağa.
Alın yazısını soruşaq kimdən,Niyə yazılanlar kəsə yazılıb.Ya mənim gələcək bədbəxtliyimdənSənin gözlərinə nəsə yazılıb?
Gör harda dilimdə səsləndin, qadın,Sonra da çevrildin göz yaşlarına.Gör harda adlara qoyuldu adın,Sonra da yazıldı baş daşlarına.
Qəzetlər susmada, xəbərlərdə yoxSəni bilməyənlər axı nə bilər.Eh, belə sevgilər başqa yerdə yoxBəlkə dastanlarda oxuna bilər..
Gəldim, qövr elədi içimdə yaram,İkinci döngədən döndüm küçəni..Dedim gəncliyimi gəzib taparam,Yollar ayrıcında görərəm səni.Gördüm əcəl məndən qabağa düşmüş,Tanrım, aman Tanrım, bu nə görüşmüş...
Kitabxana.az · https://kitabxana.az/en/works/memmed-ismayil-bir-de-seni-sevsem-sene-sevilsem
Use ← → keys to move, R for a random poem
More by this author
Gecə bir qara qönçə,açar günəş gəlincə,
Sirli çevrelerDünyanı dolanıb geri dönendeBelke heç özü de bilmeyib neden
Göz yaşı qüllesiAmsterdam şehrinde deniz kıyısında “ Göz yaşı kulesi” yücelir.Böyle diyorlar ki, kocaları tufanlı dalgalara gögs geren kadınlarbu kulelerle çıkıp göz yaşı akıtıb dua ederlermiş.Aklıma İkinci Cihan savaşından sonraki köylerimiz geldi, cebhe yollarına gözleri baka kalan köylerimiz..*Denizde balıkcı gemileri var,
Bir gizilti keçer çiçekden,otdanBir gizilti keçer çiçekden, ottanKülek de çemende ağ arı kimi.
Poems by other poets
Nə müddətdir dolanırsan elləri,Ellər nə diyarə getdi, sevdiyim,
Sultan Əbdülməcidə xitabənEy padşahım bir dur,Dərvişi fərəhnak et,
Seyri-gülşən etsən, ey gülüzarımSeyri-gülşən etsən, ey gülüzarım,Bülbül oxur, bağlar sədayə düşər,
Gəncənin qırğınıGörən, bilən, eşidənlər yansınlar,Gör nə yaman oldu halı Gəncənin,