Başına döndüyüm, ey şahi-xuban,Şikəst verir yeni aya qaşların,Qövsi-qüzeh çəkilibdir aradan,Tənə vurur ol səmaya qaşların

Həsrətini çəkən mənim tək hanı,Ol mina gərdənin olam qurbanı,Bədr olur şö'ləsi dutar cahanı,Bənzər nuri-təcəllaya qaşların

Firqət dağı əlif qədim yay etdi,Zəhmətimi puç elədi, zay etdi,Dərdi-hicran bir-bir üstə cay etdi,Saldı məni bu sevdaya qaşların

Bilməz gözüm baxa bunun hansına,İki zülfün ucu bənzər yasına,Qorxuram düşəsən eşq sevdasına,Axır gələ iltəcaya qaşların

Yoxdur bu dünyada yar həmdəm,Gündən günə artır möhnətim, qəm,Mənzurim qərq oldu dəryada gəmim,Qoymaz yetəm təmənnaya qaşların

Use ← → keys to move, R for a random poem

Random poem

More by this author

Poems by other poets