Qocalıq
Qoymur gəzəm ellərimi,Verməyir aman qocalıq.Bəndə salır əllərimi,Bağlayır yaman qocalıq.
Mayıl oldum mah camala,Al yanağa, qoşa xala,İnanmazdım üstüm ala,Etməzdim güman qocalıq.
Bəxtim yatıb, əl gətirmir,Dəryalardan ləl gətirmir,Ayaq getmir, əl gətirmir,Gözlərdə duman qocalıq.
Aparır dövlət-varımı,Yad eyləyir dostlarımı,Pozur əhdi-ilqarımı,İtirir iman qocalıq.
Nə fikirdi, bu nə rəydi,Ox atdı, qəlbimə dəydi,Çoxlarının qəddin əydi,Elədi kaman qocalıq.
Görürsənmi bu dünyanı?Hey gələn, gedən karvanı,Kəsmir ara, yoxdu sanı,Keçdikcə zaman qocalıq.
Aşıq Vəli düşmə qəmə,Vaxt gəlir son qoyur dəmə,Necə qıyır zal Rüstəmə,Çəkdirir aman qocalıq.
Kitabxana.az · https://kitabxana.az/en/works/miskin-veli-qocaliq
Use ← → keys to move, R for a random poem
More by this author
Poems by other poets
Əlif Allah ilə yad etdim mən Allahu əkbəri,Bəqayi-lə-yəzəldir fani olmaqdan bəri,
Nə vəhşi könlüm ol ahunigəhdən qeyrə ram olmazNə vəhşi könlüm ol ahunigəhdən qeyrə ram olmaz,Nə anın hicrinin nöqsan olan ayı tamam olmaz.
Təzə həyat istərəmGördükcə tökülən haqsız qanları,Qandan zövq alan bu heyvanları,
Sultan Əbdülməcidə xitabənEy padşahım bir dur,Dərvişi fərəhnak et,