Başı göylərə dirənən,Uca dağlardır yüküm.Qanlı qışdı, qasırğadı,Boranlı, qardır yüküm.Əsər yellər, donar sellər,Ömrü boyu sərasər,Aman vermir söz açmağa,Tam buzlaqlardır yüküm.

Qəza tutar, qəsd eyləyər,Qollarım bağlar mənim.

Dil qəfəsdə nalə çəkər,Gözlərim ağlar mənim.Ürəyimdə yaralar var,Sinəmdə dağlar mənim.Təbib yoxdu dərman edə,Ağır azardır yüküm.

Miskinli Aşıq Vəliyəm,Deyim dərdim sən də bil.Bəxtim yatdı, daşım atdı,Günbəgündən, ilbəil.Yazıq canım od içində,Alovlanır müddəsil.Elə bil ki, sağərdəyəm,Atəşi nardır yüküm.

Use ← → keys to move, R for a random poem

Random poem

More by this author

Poems by other poets