Ay ellər dedim
Ömür dəftərimi varaqlayaraq,Enişli, yoxuşlu yollara baxdım.Yox, yarı mənzildə qoymayıb məni,Vəfalı iqbalım, vəfalı baxtım.
Uşaqlıq illəri, cavanlıq çağım,Keçdi gözlərimin önündən bu gün.Məndən bircə kəlmə soruşmadı yox,Keçdi illər, aylar, keçdi ömür, gün.
Harada gizləndi, görünmür, hanı –Dodağı nəğməli gəncliyim vardı?!Qayğısız illəri xatırladıqcaDərin bir ah çəkdim, gözüm yaşardı.
Dərələr keçmişəm, dağlar aşmışam,Mən sizdən nə yaman uzaqlaşmışam.Ay illər, ay illər, ay illər! – dedim.İzi var sinəmdə hər ilin, ayın,Darıxdım, siz məni yalqız qoymayın,Ay ellər, ay ellər, ay ellər! – dedim.
Kitabxana.az · https://kitabxana.az/en/works/osman-sarivelli-ay-eller-dedim
Use ← → keys to move, R for a random poem
More by this author
Poems by other poets
Səxavətdə Hatəm, cəngidə Rüstəm,Ədalətdə Nuşirəvanı deyəllər.
AxtıAxtının bax necə gör yaxşı gözəl halları var,Danışan şirin-şirin farsi-ərəb dilləri var,
Zülfünə mişki-xəta söylədi dil, qıldı xətaZülfünə mişki-xəta söylədi dil, qıldı xəta,Zülfünün bir telinə müşk ola bilməzdi bəha.
EylədiEy qazılar, kimə qılım şikayətBir bimürvət məni candan eylədi