Ürəyi varmış
– Niyə xəstələndin, əziz ürəyim,De, səbəb nə oldu, səbəb kim oldu?Bir müddət dinmədi... Sonra kədərliÜrək cavab verdi: – Ürəyim oldu.
Qəfəsdə neçə il ömr eləyər quş?Yetmiş ilə yaxın sənin sinəndəMən bir gün, bir saat dincəlmədim heç,Döyündüm, döyündüm, yazığam mən də,Çırpındım qəfəsə dönmüş sinəndə.
Gecəli-gündüzlü, həm də biaram,Xoşuma gəlməyən yüklə yüklədin.Gah dərin dərəyə endirdin məni,Gah uca, boz daşlı dağa diklədin.
– Bəlkə mən qayğısız olmuşam, dedim, –Bəlkə də sıxılıb öz yeri darmış?Yox, onu yormuşam, bir indi bildimYazıq ürəyin də ürəyi varmış...
Kitabxana.az · https://kitabxana.az/en/works/osman-sarivelli-ureyi-varmis
Use ← → keys to move, R for a random poem
More by this author
Poems by other poets
Sahiba, bir nəfərəm dövlətü izzətdən uzaq,Düşmüşəm şəhrdən avarə, vilayətdən uzaq.
Təcnis: Rəxtin al geyimiş bağçaya gedirRəxtin al geyimiş bağçaya gedir,Başına götürmüş buta bağları,
MənəmQanlı rəqib, nədir sözün bir qərəzAləm sənin olsun, nazlı yar mənəm
Rəqib töhməti etdi məni cüda, ey dustRəqib töhməti etdi məni cüda, ey dust!Bu zülmü gördü rəva, görməsin səfa, ey dust!