İnsan dözür
Pozulmayıb təbiətin hələ yaşıl növrağı,Üzə gülür, mülayimdir hələ sibir torpağı.
Ağcaqayın meşələri hələ bərli-bəzəkli,Zümrüd tala, məxmər yamac hələ güllü-çiçəkli.Hələ payız günəşindən şamlıqlara nur yağır.Hələ payız buludundan sellər-sular gur yağır.Hələ sibir şahzadəsi mavi gözlü YeniseyBuz zirehə bürünməyib, çağlayır hey, axır hey...Hələ qızıl tac gəzdirir bu gün sibir başında,Hələ inci şeh parlayır kipriyində, qaşında...Hələ bağrı yarılmayıb dağın-daşın bu yerdə,Əlaməti bilinməyir hələ qışın bu yerdə.Alnımızdan tər də axır günortalar arabir,Mən deyirəm:Tacik deyir:Türkmən deyir:Özəbək deyir:Gürcü deyir: - nə sibir? bu sibir?!Bu eyhamı göydə alır sibirlinin qulağı,Deyir: - bir yol qışda olun siz bu yerin qonağı.Hər fəsildə yaraşıqlı görünsə də bu diyar,Ancaq sibir torpağının qışda ayrı hüsnü var:Şaxta şair, şaxta rəssam, şaxta yalın qılınclı...Büllur tacla o çıxıbdır taxta, yalın qılınclı,
İmtahana çəkir şaxta iradəni, vüqarı,İnsanları, heyvanları, dəmirləri, daşları,Mərtəbədən-mərtəbəyə qalxır şaxta anbaan:İyirmi heç... otuz da heç... adlayanda o qırxdan..Qol-budaqlı ağacları çör-çöp kimi qırır, bax,Əlvan mərmər dağlarının sinəsini yarır, bax!Yoğun-yoğun çuqun, polad şəbəkələr mum olur,Dəmir-beton şüşə kimi çilinglənib qum olur.Məhlul donur, sement donur, qurğu donur, tağ donur,Fil xortumlu, div gövdəli maşınlarda yağ donur.Şaxta meşə dərinində atəş açır şaq-şaraq,Adamlara yaxın gəlir ayı, canavar, vaşaq.Bəli, sibir soyuğunun hökmü ağır və qəti,Qırxı ötdü... dayandırır işi-gücü hiddəti.Lap istəyir şaxta qalxsın əllidən də o yana...İnsan dözür... iş onda ki, dəmir dözə, dayana.İnsan dözür... damarında axır qanı həmişə,İnsan dözür... od kimidir, həyəcanı həmişə.Ürək dözür... dözə bilmir, paralanır sərt qaya,Ürək dözür... yerdə qalan təslim olur şaxtaya.Nəhəng-nəhəng tikintilərBuz bağlayıb dayanır,
İnsan dözür,Dəmir dözmür,Beton dözmür,Məftil dözmür,İnsan dözür...Sibir görür, sibir buna inanır.
Kitabxana.az · https://kitabxana.az/en/works/qabil-insan-dozur
Use ← → keys to move, R for a random poem
More by this author
Poems by other poets · Nature and spring
Xaliqi-ləmyəzəl edəydi imdad,Həsrət gözüm intizarı gələydi.
Təcnis: Tanrı üçün əlac elə dərdiməTanrı üçün əlac elə dərdimə,Səndən ötrü mən ha düşdüm yüz dərdə.
Tarixگوهری حمدی که باشد از جواهر آبدارنشر باشد بر فضای در که پرورد کار
Teatr tənqidiYeni tamaşa gedir səhnəmizdə, çox gözəl,Məqaləsi yazılıb əsərdən xeyli əvvəl: