Halal ömür
Xəlil Əlimirzəyevə
Biz səninlə bir süfrədənBir pud çörək-duz yemədik,Sədaqətin ünvanınaGünaşırı tost demədik.
Ayda, ildə rastlaşırıqYol üstündə, təsadüfən...Səni əziz qardaş sanır,Dost bilirəm bəs niyə mən?
Bu sualın cavabınıVerir əzmin, mətanətin,Çoxlarına məktəb olanİnsanlığın, ləyaqətin;
Millətinin nişanəsi –Mərd sifətin, kişi sözün,Açıq alnın, pak əməlin,Xoş məramın, gülər üzün...
Bu səbəbdən könlüm, gözümGörüşünü edir bayram.Səni görcək itirdiyimYüz sevinci mən tapıram.
Sanki qərib bir insanamQovuşuram tanış elə,Sən küçənin o başındaGörünəndə gülə-gülə.
Elə bil ki, bir dağ çayıÇəmənliyə hopub gəlir,Torpağımın bir parçasıMəhvərindən qopub gəlir.
Dost görəndə kövrəkləşirÜrəyimdə el həsrəti,Qucaqlaşır xəyalımdaYurdumuzun dörd cəhəti –
Qərbi, Şərqi qol-qoladır,Cənubunu qucur Şimal,Çiçək atır bir-birinəBar götürür neçə mahal.
Bir cəhəti Qarabağdır;Bir cəhəti Gəncəbasar;Bir cəhəti Şahdağıdır –Keçilməyən uça hasarı.
Bir cəhəti Xəzər boyuAbşerondur, Mil-Muğandır,Bu dörd cəhət – bu dörd qardaşBir-birinə mehribandır.
O ülfətin bayramıdırBu təntənə, bu toy-düyün,Bundan böyük feyz olarmıMənim üçün, sənin üçün!
Elimizin bu cür təzəBirliyinə əhsən, əhsən,Var ol, Xəlil, gəlmə gözə,Xəritəmdə dörd cəhətin –
Bu dörd dostun biri sənsən!Azərbaycan torpağındanYığıb ətir, yığıb şirəÖz yuvandan – Şah dağındanPərvazlandın üfüqlərə.
Yarım əsr yol gəlmisən,Şad etmisən vətənimi.Bir belə də halalındırÖz ananın südü kimi.
Kitabxana.az · https://kitabxana.az/en/works/qasim-qasimzade-halal-omur
Use ← → keys to move, R for a random poem
More by this author
Sahil bağı, qəndil altı – şirin gözləncək,Görüş yeridir.
Xeyli vaxtdır görüşmürükXeyli vaxtdır görüşmürük,Ayrılığa dözmürəm mən.
Özünü ömrünün ilk baharındaÖzünü ömrünün ilk baharındaHeç görüş yerinə çatdırmısanmı?
Pənah gətirmişəmXırda bir uşaqdın mən görən zaman,Eşqdən, sevdadan yoxdu xəbərin.
Poems by other poets · Homeland
Gəncüm ağa, vilayətin dərdiniƏlbəttə get sahibkara ərz elə
Şirvan ki, səfadə min Sifahanə dəgərŞirvan ki, səfadə min Sifahanə dəgər,Hər bir daşı yüz ləli-Bədəxşanə dəgər.
GörəndəSöylə mənə, ey şapka, nədir səndə əlamət,Baş yendiririk doğrudu bir xanı görəndə,
Naleyi-təhəyyür yaxud millətə xitabNə idin dün, nə olmusan bu zaman?Millət, ey banisi-həyati-vətən!