Qar yağır
Qaranlıqda qar yağır,Qar yağır ağır-ağır.
Üfüqlər ağ, göylər ağ,Quzeylər, güneylər ağ.
Şaxta, sazaq, toranlıq,Yaxın, uzaq qaranlıq.
Qar üstündə qaraltı,Qaranlıqdır qar altı.
Qar yağır çiçək-çiçək,Nur yağır ləçək-ləçək.
Bir gün bu ağ çiçəklərBağlarda güləcəklər.
Qaranlıqda qar yağır,Sanki ilk bahar yağır.
Qış buxarlanacaqdır,Yer baharlanacaqdır.
Qaranlıqda qar yağır,Qar yağır fağır-fağır.
Qaranlıq, ağ qaranlıq,Qəmdən iraq qaranlıq.
Sanki bir duman ağlar,Saz ağlar, kaman ağlar.
Qaranlıqdır, qaranlıq,Qərib bir nigaranlıq.
Qaranlıqda qar yağır,Qar yağır ağır-ağır.
İstanbul, 1984
Kitabxana.az · https://kitabxana.az/en/works/refiq-zeka-xendan-qar-yagir
Use ← → keys to move, R for a random poem
More by this author
Oğullar ucalır ellər içində,Çör-çöpü kim görür sellər içində,
Qalan aləmdə bizimçin nə sevincdir, nə kədərQalan aləmdə bizimçin nə sevincdir, nə kədər,Dərdə uymaq da hədər, nəşəyə uymaq da hədər!
AramızaKönlümə o çağlar düşüb,Gözümdən o bağlar düşüb,
DoymamaqOlarmı ulusu, yurdu duymamaq,Bu iki sevgiyə candan uymamaq?!