Qanadlanan bu dalğalarGümüş qanadlı yorğalar.

Bu dalğalar qayıqlarıHa çalxalar, ha yırğalar.

Nədir bu çırpınış, nədir,Bu qovğalar nə qovğalar?!

Bu çağlayışda qorxudanDurur kənarda qarğalar.

Bu vurhavurda üzməyiBalinalar yadırğalar.

Balıqlarınmı ahıdırSuyun üzündə halqalar?!

Bu halqalar zaman-zamanOlur qulaqda sırğalar.

Qasırğalar açılmasaDənizdə bir qüsur qalar.

Dənizlərin büsatıdırAşıb-daşan qasırğalar!..

İstanbul, 1984

Use ← → keys to move, R for a random poem

Random poem

More by this author

Poems by other poets