Dağlara qovuşuram
Sanki yol da doğmalaşırBoz gədiyi aşan kimi.Qayalardan soraq gəlirBir kəlmə danışan kimi.
Əlçim bulud yol ötürən,Tənha cığır sirr götürən,
Addımbaşı bir xatirə –Gəncliyimdən nişan kimi.
Yenə zirvə göyü yarır,Yenə sellər yer qoparır,Sinəmdən duyğu qabarırYaz tufanı coşan kimi.
Tanış sözlər, tanış üzlər,Ya qınayar, ya əzizlər,Bulaq üstə dolu gözlər –Çiçəkdən şeh daşan kimi.
Yoxuşlarla savaşıram,Uçurumlar sovuşuram,Mən dağlara qovuşurasTanrıya qovuşan kimi.
25.X.1990
Kitabxana.az · https://kitabxana.az/en/works/sabir-rustemxanli-daglara-qovusuram
Use ← → keys to move, R for a random poem
More by this author
Poems by other poets
Aləmdə var aşiqidən bir mənəm sənə,Bil qədrimi ki, bunca mənəm, ey sənəm, sənə.
Arazın nəğməsiSəndən danışıram, Araz, ay Araz,Bulan da, durul da, səsimi dinlə.
Müstəzad: İki salma boylu yarı sevmişəmİki salma boylu yarı sevmişəm,Birisi pəridir, birisi mələk,
Gəraylı: Aşiqlik peşəsin qıldımAşiqlik peşəsin qıldım,Namusdan, ardan ayrıldım,