یار گونومی گؤی اسگییه توتدو کی دور منی بوشاجوتچو گؤروبسه ن اؤکوزه اؤکوز قویوب بیزوو قوشا ؟

Yar günümü göy əskiyə tutdu ki, dur məni boşaCütçü görübsən öküzə öküz qoyub buzov qoşa?

سن اللینی کئچیب یاشین ، من بیر اوتوز یاشیندا قیزسؤیله گؤروم اوتوز یاشین نه نیسبتی اللی یاشا ؟

Sən əllini keçib yaşın, mən bir otuz yaşında qızSöylə görüm otuz yaşın nə nisbəti əlli yaşa?

سن یئره قویدون باشیوی من باشیما نه داش سالیم ؟بلکه من آرتیق یاشادیم نئیله مه لی ؟ دئدیم یاشا

Sən yerə qoydun başını, mən başıma nə daş salım?Bəlkə mən artıq yaşadım, neyləməli? Dedim yaşa

بیرده بلالی باش نچون یانینا سوپورگه باغلاسین؟بؤرکو باشا قویان گرک بؤرکونه ده بیر یاراشا

Bir də bəlalı baş niyə yanına süpürgə bağlasın?Börkü başa qoyan gərək börkünə də bir yaraşa

بیرده کبین کسیلمه میش سن منه بیر سؤز دئمه دینیوخسا جهازیمدا گرک گلئیدی بیر حوققا ماشا

Bir də kəbin kəsilməmiş sən mənə bir söz demədinYoxsa cehazımda gərək gələydi bir huqqa maşa

دئدیم : قضا گلیب تاپیب ، بیر ایشیدی اولوب کئچیبقوربانام او آلا گؤزه ، حئیرانام او قلم قاشا

Dedim: Qəza gəlib tapıb, bir işdi olub keçibQurbanam o ala gözə, heyranam o qələm qaşa

منکی اؤزومده بیر گوناه گؤرمه ییرم ، چاره ندیر ؟پیس بشرین قایداسی دیر ، یاخشی نی گؤرسه دولاشا

Mən ki özümdə bir günah görməyirəm, çarə nədir?Pis bəşərin qaydasıdır, yaxşını görsə dolaşa

دوستا مروت ائتمه لی دوشمه نیله کئچینمه لیقایدا بودیر ، حئیف دئگیل بشر یولون آشیب چاشا ؟

Dosta mürvət etməli, düşmənlə keçinməliQayda budur, heyf deyil bəşər yolun aşıb çaşa?

من ده سنین دای اوغلونام سن ده منیم بی بیم قیزیگؤنول باخیرسا گونه شه ، گؤزده گرک بیر قاماشا

Mən də sənin dayı oğluyam, sən də mənim bibim qızıKönül baxırsa günəşə, gözdə gərək bir qamaşa

ایندی بیزیم مارال کیمی ، اوچ بالامیز واردی ، گرکآتا – آنا ساواشسادا ، بونلارا خاطیر باریشا

İndi bizim maral kimi, üç balamız vardı, gərəkAta-ana savaşsa da, bunlara xatir barışa

هر کیشی یه عیالی دا ، اؤز جانی تک هؤروکلنیبهدیه ده اولماز ائله سین عیالی قارداش قارداشا

Hər kişiyə əyalı da, öz canı tək hörüklənibHədiyyə də olmaz eləsin, əyalı qardaş qardaşa

بو دونیا بیر یول کیمی دیر ، بیز آخرت مسافیریکجاوه ده هاماش گرک اؤز هاماشینان یاناشا

Bu dünya bir yol kimidir, biz axirət müsafiriKəcavədə hamaş gərək öz hamaşınan yanaşa

آخیرتی اولانلارین ، دونیاسی غم سیز اولمویوبسئل دی گله ر آخار کئچر ، آمما گرک آشیب – داشا

Axirəti olanların, dünyası qəmsiz olmuyubSeldi gələr, axar keçər, amma gərək aşıb-daşa

مثل دی : « یئر کی برک اولور ، اؤکوز اؤکوزدن اینجییور »هی دارتیلیر ایپین قیرا ، یولداشیلا بیر ساواشا

Məsəldi: «Yer ki bərk olur, öküz öküzdən incıyır»Hey dartılır ipin qıra, yoldaşıyla bir savaşa

بیزیم ده روزیگاریمیز یامان دی ، بیزده عیب یوخبلکه وظیفه دیر بشر قونشولاریلان قونوشا

Bizim də ruzigarımız yamandı, bizdə eyb yoxBəlkə vəzifədir bəşər qonşularılan qonuşa

حق حیات یوخ داها بیزلره ، چوخ بؤیوک باشیزندانیمیزدا حققیمیز ، بیر باجا تاپساق ، تاماشا

Haqq-həyat yox daha bizlərə, çox böyük başıZindanımızda haqqımız, bir baca tapsaq, tamaşa

آمما اونون شماتتی آللاها خوش گلمیوبنگئتدی منیم حیاتیمی ووردی داشا چیخدی باشا

Amma onun şəmatəti Allaha xoş gəlmiyibənGetdi mənim həyatımı vurdu daşa, çıxdı başa

OriginalGanjoor (opens in a new tab)

NoteLatin-script text made for this site from the Arabic-script original as given here (Ganjoor), line by line, in modern Azerbaijani spelling; Tabriz dialect forms are kept. No printed Latin edition of this redaction was found (the texts on shahriyar.az differ). Not proofread against a print.

Suggest a translation

Use ← → keys to move, R for a random poem

Random poem

More by this author

Poems by other poets