Bir maral dalınca ovçutək düşdüm,
Getdi, dostlar qovdu, o dağa düşdü.
Mən yarı görməkçün canımdan keçdim,
Bivəfa yar məndən uzağa düşdü.

Təbib yoxdu, qövr eləyir yaralar,
Gül irəngim günbəgündən saralar.
Seyraqublar vurdu, dəydi aralar,
Onçu1 dost yoluna qadağa düşdü.


1 Onun üçün
Dost ürəyi bir-birinə qatılı,
Haqdan başqa bilən yoxdu batılı.
Sənətkar föcuna qürrə atılı,
Abdulla dostlara sadağa düşdü.

Use ← → keys to move, R for a random poem

Random poem

More by this author

Poems by other poets