Gülün fədası olan bülbülün nəvasına bax
Gülün fədası olan bülbülün nəvasına bax,Üzari-yarı sevən aşiqin səfasına bax!
Ləbi-nigarım ilə gül çəməndə bəhs eləyir,Nə şərm edib qızarır, bir onun həyasına bax!
Alaydı canımı, xoşdur, gülüzlü cananım,Rəqib qoy deməsin, aşiqin vəfasına bax!
Əsiri-firqətiyəm bir nigari-gülbədənin,Xəyali-vəsli ilə könlümün bəlasına bax!
Amandır, umma vəfa nazənin gözəllərdən,Nə bir vəfalısın axtar, nə biədasına bax!
İşıq verən o gözəldir bizim həyatımıza,Məhəbbət aləminin nuruna, ziyasına bax!
Fərəhli olsa da gər, zülfi-yarə bağlanma,Uzun bir ömr gərək, ömrünün bəqasına bax!
Alışdım odlara pərvanələr tək aləmdə,Dedim özüm-özümə, eşqin intəhasına bax!
Qədəhdə badə, nigarın yanında, gül əldə;İtirmə fürsəti, öz ruhunun qəzasına bax!
Ziyalı bir gülə Vahid adıilə şer yazıb,İnanmasan, oxu hər sətrin ibtidasına bax!
Kitabxana.az · https://kitabxana.az/en/works/vahid-gulun-fedasi-olan-bulbulun-nevasina-bax
Use ← → keys to move, R for a random poem
More by this author
Heyf, bir bilmədin, ey gül, dili-zarımda nə var!Eşqimin sirri nədir, eyləyə bilməm izhar.
Misli-zəncir keçib gərdənimə türreyi-yarMisli-zəncir keçib gərdənimə türreyi-yar,Mənə divanə deyir, cümlə xəlayiq nə ki var.
Könül, ol şuxə yaxınlaşma, onun əngəli varKönül, ol şuxə yaxınlaşma, onun əngəli var,Bivəfanın nə olur axırı, nə əvvəli var.
Üzündə busədən, ey gül, iki nişan yeri varÜzündə busədən, ey gül, iki nişan yeri var;Birində qırmızılıqdır, birində qan yeri var.
Poems by other poets · Love
Ey dil, vəfası yoxdu dilara gözəllərin,Cövrü cəfası çoxdu bu rəna gözəllərin.
Zəmanədən şikayətFəsad ilə dolu göylər edərkən tərsinə dövran,Tükənməz qəmdən olmuşdu könül-dərdli, ürək-nalan.
Çığalı müxəmməs: Oldum gənə bir qaşı-kaman yarə giriftarOldum gənə bir qaşı-kaman yarə giriftar,Pürqövi-şikəm nafeyi-Tatarə giriftar,
TələsməRamiz Mirişli bəstələmişdir*Dedim mən, sevirəm, dedi sevginən,