Avropada zənn etmə, səyahətdəyəm indi,Dünya düşünür, mən nə siyasətdəyəm indi.

Gəzməkdə bu Qərb ölkələrin məqsədimiz var,Aləm bizə nifrət eləyir, etmirik inkar,Hərb istəyirik, biz deyilik sülhə tərəfdar.Zahirdə bu yerlərdə sədaqətdəyəm indi,Dünya düşünür, mən nə siyasətdəyəm indi.

Dollar veririk, qoy təzədən dava uzansın,Milyonla qırılsın bəşəriyyət, oda yansın.Tək bir mənim ölkəm bu siyasətdə qazansın.İnsan qanı tökməklə ticarətdəyəm indi,Dünya düşünür, mən nə siyasətdəyəm indi.

Olsam da əgər Qərbi komandanlığa təyin,Zahirdə beş-on alçaq edirsə mənə təhsin.Batində edir şənimə dünya hamı nifrin.Min lənətə, hərçənd, ləyaqətdəyəm indi,Dünya düşünür, mən nə siyasətdəyəm indi.

Use ← → keys to move, R for a random poem

Random poem

More by this author

Poems by other poets · Satire