Könlüm sənə pabəstədir, ey şux, bir ildir,Nə öldürür eşqin məni axır, nə dirildir.

Aşiqlrini qəsdin əgər məhv eləməksə,Mən hazıram, əvvəl mənə məqsudunu bildir.

Meylim sənədir, bir sənə aləmdə əsirəm,İstər isən azad elə, istər məni öldür.

Kəc baxma, bütün xəlq dəyər bir-birə, zalim!Zülfün girəhin açma ki, qarətgəri-dildir.

Məbhut eləyib aləmi ayineyi-ruyin;Nə şəkli-şəmayildi, bu nə hüsnü cəmildir!

Rüxsarına ol xali-siyəhdirmi düzülmüş,Ya bərgi-gül üstə düzülən daneyi-hildir?

Vahid, demə kim, yar ilə şirindi mey içmək,Zəhr olsun o işrət ki, həkimanə deyildir!

Use ← → keys to move, R for a random poem

Random poem

More by this author

Poems by other poets · Love