“Musiqi məclisinin türfə əlamətləri var,Guş qıl, gör necə cansuz hekayətləri var”

Musiqi zövqünə ol kəs ki, deyildir vaqif,Bu büsatın nə bilir ki, nə şərafətləri var.

Tarı bihudə hesab etmə, əgər arifsən,Gör ki, məhrulər əlindən nə şikayətləri var!

O da bir zülfi-siyəh dilbərin aludəsidirKi, sədasında pərişanlıq işarətləri var.

Xar zənn etmə, saqın, musiqi xadimlərini,Onların zövqünə gir, gör, nə nəzakətləri var!

Musiqi qəm dağıdır, zövq verir insanə,Dərk qılmaz bunu onlar ki, səfahətləri var.

Şairin, musiqi xadimlərinin, rəssamın,İncə diqqətlə düşün, gör nə məharətləri var!

Musiqi zövqü Hülakulərə təsir etmiş;Oxu tarixi, gör orda nə rəvayətləri var.

Məscid əhli nə bilir musiqi zövqün, Vahid!Çünki cahildilər olduqca, cəhalətləri var.

Use ← → keys to move, R for a random poem

Random poem

More by this author

Poems by other poets · Love