Mollalar milləti gümrahə, demə, rəhbər imiş,Əhsən, əhsən, kişilər naibi-peyğəmbər imiş!

İftira eyləməyin bunların haqqında, yəqinDemişik bunlar üçün hiyləgəri-ruyi-zəmin.Ah!.. Biz bilməmişik, bunlar imiş sərvəri-din,Bunların haqqını pamal eləyən kafər imiş!

Tapmaz idik, bu qədər şənü şərəf, cahü cəlal,Olmasaydı üləma sayəsi, əlhəqq məhü sal,Əhli-islamə yetərdi, bəli, hər gündə zəval,Doğrudan da üləma millətə taci-sər imiş!

Olmasaydı bizə bunlardan əgər rahi-nicat,Yoxsa məhv eylər idi bizləri filcümlə məmat,Mümkün olmazdı, həqiqət, bizə dünyadə həyat,O həyatın səbəbi aləmi-xoşmənzər imiş!

Olmasaydı bu cahan içrə əgərçi üləma,Millətin dərdinə bəs kimlər olar idi dəva?!Bunlar imiş bütün aləmdə bizə rahnüma,Demək olmaz bulara maili-simü zər imiş!

Bir də min bəd qəzet, jurnala aldanmamalı,Cəhd edib elmü-ədəb nolduğunu qanmamalı,Bunlara, molla demişkən, daha tullanmamalı,Müxtəsər, hər nə yazırlar, hamı dərdü sər imiş!

Use ← → keys to move, R for a random poem

Random poem

More by this author

Poems by other poets · Homeland