Hər ev, hər mərtəbə, göy üzü, dəniz,Həm eşq sevincidir, həm göz yaşıdır,Hər dağ, hər şəlalə, hər qaya, hər daş,Həm eşq heykəlidir, həm başdaşıdır.

Hər bir quş cəh-cəhi, hər çiçək ətri,Həm eşq nəğməsidir, həm dərd mahnısı,Hər gün, hər dəqiqə, hər insan ömrü,Həm toy şənliyidir, həm sevgi yası.

Küsmə bu dünyadan, küsmə özündən,Baxt bizdən gah razı, gah gileylidir,Doğulub dünyaya göz açan gündənHər oğlan Məcnundur, hər qız Leylidir...*

1996

Use ← → keys to move, R for a random poem

Random poem

More by this author

Poems by other poets · Love