Bir nazənin sevdim məktəbxanada,Haqq kəlamın dil əzbərdən oxurdu.Əlinə almışdı eşqin kitabın,Mənim dərsim dil əzbərdən oxurdu.

Mən tanıram öz yarımı nəfəsdən,Ol səbəbdən könlüm düşməz həvəsdən.Tavuz kimi səda verər qəfəsdən,Bülbül kimi xoş dəftərdən oxurdu.

Xəstə Qasım kömək dilər mövladan,Naz-qəmzəsi aşıqləri aldadan.Həya eylər,hicab eylər molladan,Gah yavaşdan, gah hündürdən oxurdu.

Use ← → keys to move, R for a random poem

Random poem

More by this author

Poems by other poets · Love