Dilim
Füzuli zirvəli, Vaqif arxalı,Mənim Qorqud dilim, Ələsgər dilim.Ömrümün naxışı, bəxtimin xalı,Dadda, şirinlikdə bal, şəkər dilim!
Gözümün nurusan, başımın tacı,Sən yollar süpürən ətək olmadın.Heç zaman çəkmədin söz ehtiyacı,Heç zaman dinəndə pəltək olmadın.
Dərdli anaların bağrından qopan,Neçə yol dağlanıb, əzilən dilim.Ruhuma işləyən, qanıma hopan,Sazın pərdəsindən süzülən dilim.
Düşmən döndərəndə toyları yasa,Durub boylanmağın yeri vardımı?Sənin qüdrətinə arxalanmasa,Xətai qılıncdan yapışardımı?!
Bayatı beşiyi, layla yuvası,Mənim tarlı dilim, kamanlı dilim.Kiməsə həmişə bahar havası,Kiməsə həmişə dumanlı dilim.
“Ənəlhəq” bayraqlı, “heyrət” nidalı,Misri qılıncımtək kəsərli dilim!Nərəli, ləhcəli, səsli, sədalı,Şeirli, nəğməli, əsərli dilim!
Buluddan sıyrılıb, Günəşdən çıxıb,Göylərin taxtından enib gəlmisən!Ölməz dahilərin əlini sıxıb,Tanrı qüdrətinə dönüb gəlmisən!
Hər gün çiçək açıb, bar-bəhər verib,Dilimdən güc alıb elimin kökü.Elimə, günümə gör nələr verib,Sözümün şirəsi, dilimin kökü.
Dünyanın qəlbinə yatan dilimin,Özülü bir ölməz ruhdadı, bəlkə?Budağı bu günə çatan dilimin,Kökü Adəmdədi, Nuhdadı, bəlkə?
Füzuli zirvəli, Vaqif arxalı,Mənim Qorqud dilim, Ələsgər dilim.Ömrümün naxışı, bəxtimin xalı,Dadda, şirinlikdə bal-şəkər dilim!
Kitabxana.az · https://kitabxana.az/en/works/zelimxan-yaqub-dilim
Use ← → keys to move, R for a random poem
More by this author
Payız fəslinin kövrək çağları idi. Qədim Ağstafa qəbi -*ristanlığında unudulmaz xalq şairimiz Hüseyn Arifin*
Yol ayrıcındaDünyada gün görüb, ömür sürməyi,Hər ürək istəyir, hər can istəyir.
Şükür KərəminəXatirələrim dünənin əlindədi,Ümidlərim sabahın.
BabamQalaaltıda müalicədə idim. Saatlı rayonundan*gəl miş 80 yaşlı Ağamirzə kişi ilə tanış olub doğma -*
Poems by other poets
که آفتاب جهانتاب زیر سایه اوست
OlduQəhbə fələk, bu gün bir iş işlədi,Məni yardan ayrı salacaq oldu,
YarAşıq Şenlik:*Aşığa rəhmin gəlsin, bir danışıb gülsən yar,
Edər hər qəmzədən məqtul yüz canı qara gözlərEdər hər qəmzədən məqtul yüz canı qara gözlər,Salıbdır mərdüm içrə gör nə qovğanı qara gözlər.